Consultar: /www.agal-gz.org/blogues/index.php?blog=27Palestra sobre a pegada ecológica, seguida de uma visita nocturna aos petroglifos nas redondezas de Santiago de Compostela ( com partida do Centro Social O Pichel, dia 29 de Fev. às 20h)
Esta sexta feira ( 29 de Fevereiro) às 20h00, no Centro Social O Pichel (Centro Social O Pichel, na Rua de Santa Clara, 21, em Santiago de Compostela, na Galiza) vai haver uma palestra sobre
Esta sexta feira ( 29 de Fevereiro) às 20h00, no Centro Social O Pichel (Centro Social O Pichel, na Rua de Santa Clara, 21, em Santiago de Compostela, na Galiza) vai haver uma palestra sobre
DO GRANDE AO PEQUENO: A PEGADA ECOLÓGICA
a cargo de Tino Quintela, coordenador da FEG (Federaçom Ecologista Galega).
A pegada ecológica é uma medida do nosso impacto sobre o planeta Terra, que nos permite reflexionar sobre os nossos hábitos de vida e consumo e ver como podemos diminuir esse impacto. Quantas Terras "comemos"?
Vem descubri-lo e pensar junt@s um bocado sobre uma questão tão relevante a nível global!
Depois da Palestra realiza-se uma visita nocturna aos petroglifos de Conjo e Monte Pedroso
A comissão de memória historica organizou para sexta-feira, dia 29 de Fevereiro, uma visita noctura a dois dos mais importantes petroglifos de Santiago de Compostela: conjo e pedroso.
Saída do Pichel acompanhados de lanternas. Com elas poderemos observar desde uma nova óptica o aspecto mais chamativo da pré-história do país galego. Irão pessoas com conhecimentos no tema. É importante levar lanternas e calzado para caminhar um pouco a monte.
Os petróglifos galegos constituem o aspecto mais chamativo da pré-história do País. Manifestam-se como um conjunto coerente claramente particularizado. Som gravuras rupestres, ao ar livre, especialmente sobre granito e concentrados especialmente na área das Rias Baixas.
A técnica de confecçom é de dous tipos. Nalguns casos os sulcos apresentam umha secçom transversal em forma de V com os laterais mui angulosos e as paredes rectas e ásperas em que, a simples vista e ao tacto, se vem as marcas dos golpes feitos com um instrumento afiado e pontiagudo. O outro tipo de técnica apresenta sulcos de secçom transversal em U mui aberto, com os laterais enormemente desgastados e suaves ao tacto.
A quantidade e complexidade dos temas representados, sem perderem os traços que os particularizam, inserta-nos no contexto da Europa atlántica.
Constituem umha apreciável fonte de informaçom sobre as comunidades que os figérom, situadas desde o Calcolítico até a Idade de Ferro.
Petróglifos do Monte Pedroso:
Situam-se a 435m de altitude, na paróquia de Sta. Maria de Figueiras sobre umha rocha granítica de grano meio rodeada de tojeiras a 30 m do primeiro edifício da TVG antes de chegar ao cimo.
Estám constituídos por 16 covinhas; 6 de elas acompanhadas de círculos concêntricos com rádios de prolongaçom e umha acompanhada de umha espiral dextrógira.
A concavidade de secçom de U aberto apresenta umha erosom suficiente para termos que observá-los principalmente com luz rasante natural.
Petróglifos do Castrinho de Conjo:
Estám situados a 220m de altitude, na Volta do Castro, na paróquia de Sta. Maria de Conjo, sobre umha rocha de granito de grano meio. Trata-se de um petróglifo em que dominam de forma absoluta as representaçons de armas. Estám constituídos por 9 espadas, 4 lanças, 4 motivos triangulares, 2 punhais, e 1 figura humana, além de outros 3 motivos pouco definidos e traços soltos, que podem ser os restos de figuras apagadas pola erosom.
A técnica de confecçom dos petróglifos é definida pola secçom transversal de sulcos em forma de U. O seu grau de conservaçom é medíocre e desigual, sendo o sector NW o melhor conservado, e o SW o de máxima erosom; é por isto que para a completa observaçom nom é suficiente a luz rasante natural, sendo preciso de umha luz mui rasante artificial.
As gravuras disponhem-se sobre umha laje orientada para o poente, coincidindo com a linha da muralha (soterrada) do castro, de quem tomam nome.
Na parte inferior da laje pode-se ver um grande motivo de aparência triangular, que foi definido como um escutiforme, pola possível forma de escudo. Junto a ele, um grupo de quatro espadas ou punhais, um deles unido a um motivo escalariforme, que provavelmente seja a coroa de um motivo triangular como o anterior, mas em pior estado de conservaçom. Mais para cima vemos dous punhais enfrentados polo pomo, e um terceiro pior conservado. Entre estes dous grupos mais visíveis, aparece umha alabarda e um terceiro motivo triangular (escutiforme).
Na parte mais elevada da laje há aínda dous ou três pequenas lanças, um escalariforme e um novo motivo triangular diferente dos anteriores. O resto dos motivos, de menor tamanho, aparecem mui erosionados e indefinidos.
Alguns arqueólogos opinam que estas gravuras rupestres possuem um significado ideológico, como estandarte com que refrendar o estátus de certas elites sociais, e nom falta quem formule que estamos perante um lugar de ritos iniciáticos.
Mais informação sobre os petroglifos:
