Ontem foi um dia importante para a informaçom alternativa, e para o espaço lingüístico e cultural lusófono, porque nasceu o diário Diarioliberdade.org.
Lançado a 8 de Fevereiro, o Diário Liberdade é um novo espaço participativo e aberto a todo o activismo social, político e cultural anticapitalista e é vocacionado para a Galiza e os países lusófonos por via do uso da unidade linguística galego-luso-brasileira.
Diarioliberdade.org vai cobrir o espaço de comunicaçom anticapitalista unitário e plural dos países e territórios de fala galaico-portuguesa. Com uns critérios amplos e profundamente livres (...) permitirá que os homens e mulheres dos movimentos sociais e suas organizaçons culturais, sociais, sindicais políticas anticapitalista língua galaico-portuguesa podam pendurar os seus artigos e informaçons. Além do mais, também facilita a possibilidade de comentar todas as notícias e informaçons de maneira que se podam enriquecer os debates e gerar sinergias de unida e luita entre todos os que querem bater no capitalismo... “inimigo da humanidade”.
http://www.diarioliberdade.org/
O Diário Liberdade, portal anticapitalista da Galiza e os países lusófonos, é umha iniciativa informativa de carácter popular, realizada pola Associaçom Cultural Diário Liberdade.
A Associaçom Cultural Diário Liberdade nom tem fins lucrativos, tendo-se constituído em Dezembro de 2009 com o fim de contribuir para o exercício do direito de informaçom por parte da maioria, favorecendo a pluralidade informativa com total independência dos grandes poderes económicos e empresariais.
Da mesma forma, entre os fins da Associaçom Cultural Diário Liberdade e do meio de comunicaçom digital que realiza, está a dinamizaçom da participaçom activa dos sectores mais desfavorecidos da sociedade na difusom da informaçom que produz e/ou que lhe di respeito.
Além do referido, entre os fins estatutários estám a criaçom de espaços de presença do galego na Internet, com umha perspectiva prática da unidade lingüística galego-luso-brasileira, assim como o incremento dos relacionamentos culturais e informativos da Galiza com os povos da área internacional lusófona.
O contacto com a Associaçom Cultural Diário Liberdade, promotora deste portal anticapitalista da Galiza e os países lusófonos, pode fazer-se no correio electrónico diarioliberdade [arroba] gmail.com ou entom, no endereço postal Travessa de Batalhons, nº 7, 15403, de Ferrol (GALIZA, Europa).
Fonte: excertos retirados do Portal DiarioLiberdade
